داستان جوانیکه به وسیله نماز با دختر رئیس ممکلت عروسی کرد/منعم اردبیلی

بیر داستان ایشتمیشم ارباب ذوقیدن

چوخ باصفا خبردی یاخوندور حقیقته

بیر نوجوان کیچوردی درِ پادشاهیدن

ناگه گوزی ساتاشدی بیر عدّه جماعته

آلدی خبر نواردی مگر جمع اولوبلا خلق

شاهون قیزی گیدور دیدیلر که ضیافته

چوخ مایل اولدی گورمگه شاهون صبیّه سین

قرآن دیور که باخما دوشرسن ضلالته

چخدی ایلیکه دختر سلطان روزگار

تخت روانون اوسته اولوب غرق زینته

بیر اوخ قوتاردی اگری قاشندان او دخترون

دگدی همان جوانه دچار اولدی محنته

عشقون اوتی گوزندن اَنوب کیچدی قلبینه

یاندی جسم زارینی نار محبّته

بیر آی بود حالینن گیجه لر یاندی صبحه جک

وردی اوزونی بیر گیجه دریای رحمته

گوزیاشی هانسی قفلیدور آیا آچتنمیه

صبحه یاخون دعا یتیشر استجابته

تا صبح اولونجا آغلادی یالواردی خالقه

گون چخدی دوردی گلدی سرای وزارته

چخدی وزیر ایستدی گیتسون مقامنه

داماننه یاپوشدی بنا قویدی صحبته

دردیم دیدی بویوکدی بویوک شخصی تاپّشام

باختی وزیر قلبی دولوب گلدی رقّته

هر حاجتون دیدی اولا من ایلرم روا

هر دردون اولسا ایله بیان دوشمه وحشته

...

**اختصاصی گوناگون20 - کپی تنها با ذکر منبع مجاز می باشد .



:: موضوعات مرتبط: , , , ,
:: برچسب‌ها: منعم , منعم اردبیلی , تجلیات , دیوان , دیوان تجلیات منعم اردبیلی , اشعار منعم , جوانی که به وسیله نماز با دخترش عروسی کرد , ,
|
امتیاز مطلب : 4
|
تعداد امتیازدهندگان : 1
|
مجموع امتیاز : 1
نویسنده : پایبند
تاریخ : چهار شنبه 22 ارديبهشت 1395

صفحه قبل 1 2 3 4 5 ... 82 صفحه بعد