باهار گلیب

بولودلار چیخیر اویناغا

اوبالار کوچور یایلاغا

بولاقلار گلیر قایناغا

ائللر دئییر : ((باهار گلیب))

یاشیل زمی لر بوی آتیر

بوی آتیر سونبوله چاتیر

تیکانلار آیاغا باتیر

چوللر دئییر : ((باهار گلیب))

ســورولــر داغ اتـه یــیــنـده

ایـچـمیه ییـنده - یئمه یینده

چوبانلارین تــوته یــیــنده

زیللر دئــییر : ((باهار گلیب))

چایلاقلارین قــازالاریندا

قــیز-گلینـلر نازلاریــندا

عاشیق لارین سازلاریندا

تئللر دئییر : ((باهار گلیب))

حسـرت گـوزلر اوزاقـلاردا

آرزولایـیــر بـوجــاقلاردا

سیزیلدایان دولاقلاردا

دیل لر دئییر : ((باهار گلیب))

گوز تیکدیکجه سولا-ساغا

قوشلار قونور گول بوداغا

گویدن یاغیش یاغا-یاغا

سئل لر دئییر : ((باهار گلیب))

هئــی باخیرام پنجره دن

گوزوم دویمــور منظره دن

چیچک آچان داغ - دره دن

گوللر دئییر : ((باهار گلیب))

____________

شاعر : فرهاد ابراهیمی (رجب)

اوخویان : عاشیق عیسی دشن



:: موضوعات مرتبط: , , ,
:: برچسب‌ها: باهار گلیب , شعرلر , ترکی شعر , فرهاد , رجب , فرهاد ابراهیمی , باهار شعرلری , ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : شنبه 7 فروردين 1395
هارا گئتدین

غم و درده سالان منی

نییه قویدون نالان منی

تاپام بلکی نیشان سندن

آختاریرام هر آن سنی

،

هارا گئتدین هارا گئتدین

اوره ییمی یارا ائتدین

منی یالقیز قویوب-گئتدین

سن ایدین یاریم ، دوز ایلقاریم

گول-باهاریـــــم - گول باهاریم

،

بیر آن سنی اونوتمارام

عومروم وار کن سنه یارام

هر یادیما دوشنده سن

تزه له نر اورک یارام

،

هارا گئتدین هارا گئتدین

اوره ییمی یارا ائتدین

منی یالقیز قویوب-گئتدین

سن ایدین یاریم ، دوز ایلقاریم

گول- چیــــچکلی باهاریم

پخش : رادیو 1339

شعر از : فرهاد ابراهیمی

اختصاصی وبلاگ گوناگون20



:: موضوعات مرتبط: , , , ,
:: برچسب‌ها: هارا گئتدین , رجب , فرهاد ابراهیمی , تورکی شعر , شعر ترکی ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : چهار شنبه 6 آبان 1394

صفحه قبل 1 2 3 4 5 ... 82 صفحه بعد