حسینیم وای سسی اول خیمه دن افلاکه چیخمیشدی / منعم اردبیلی

ایلیکه کربلا دشتی گونوز رام اولدی طوفاندان

غروبه گون تکاپوده امان شام غریباندان

قرالدی آه زینب تک هوا تاریک مه کم نور

حسینیم وای صداسی دولدوروب دنیانی جوراجور

اوخیمیکه گونوز ظلمون الیله اوت وریلمیشدی

همان چادر - کنار نهر القمه قورولمیشدی

حسینیم وای سسی اول خیمه دن افلاکه چیخمیشدی

بیر اوچ (3) سنّنده قیز بیر گوشه ده قوش تک سیخیلمیشدی

آلاردی هر گئجه اکبر دیزی اوستنده ساخلاردی

بویون اوخشاردی شیرین دیلّریله تا که یوخلاردی

بو گئجه گوردی نه قاسم نه عبّاس و نه اکبر وار

قرنلوق خیمه ده قزلار حرملر عمّه لر آغلار

..... .. .

قویمورسان ایندیکه اوتورام گوز یاشین توکم

قوی اوندا بو اغولسوزا بیر سوز دیوم گدک



:: موضوعات مرتبط: , ,
:: برچسب‌ها: منعم اردبیلی , قطعه , نوحه , کربلا دشتی , شعر ترکی , تورکی شعر , اردبیل ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : سه شنبه 20 مهر 1395
هارا گئتدین

غم و درده سالان منی

نییه قویدون نالان منی

تاپام بلکی نیشان سندن

آختاریرام هر آن سنی

،

هارا گئتدین هارا گئتدین

اوره ییمی یارا ائتدین

منی یالقیز قویوب-گئتدین

سن ایدین یاریم ، دوز ایلقاریم

گول-باهاریـــــم - گول باهاریم

،

بیر آن سنی اونوتمارام

عومروم وار کن سنه یارام

هر یادیما دوشنده سن

تزه له نر اورک یارام

،

هارا گئتدین هارا گئتدین

اوره ییمی یارا ائتدین

منی یالقیز قویوب-گئتدین

سن ایدین یاریم ، دوز ایلقاریم

گول- چیــــچکلی باهاریم

پخش : رادیو 1339

شعر از : فرهاد ابراهیمی

اختصاصی وبلاگ گوناگون20



:: موضوعات مرتبط: , , , ,
:: برچسب‌ها: هارا گئتدین , رجب , فرهاد ابراهیمی , تورکی شعر , شعر ترکی ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : چهار شنبه 6 آبان 1394
زینبیـم گـل بـالام قانه باتدی /غفاری اردبیلی

شعر عاشورایی - اثر استاد بزرگوار غفاری اردبیلی - به زبان ترکی آذربایجانی


زینبیـم گـل بـالام قانه باتدی امدی پیکانی گؤز یومدی یاتدی

گئــت دئنـن بختی قاره ربابه اصغریم سینـوین داشین آتدی

مـن دئدیم سووئرللر ایچر سو ایلیـر قمــری لر مثلی «کوکو»

بولمدیم بعضی اوچی سوورمیش اوخلانــا سـو کنارینده آهو

آل بـو قنـداقی منـدن آماندی غصه‌دن قلبیمین باشـی یاندی

بولمـرم اوخ نجـه دگـدی زینب کئچدی اوخ ساق قولوم پارچالاندی

حرمله قویدی بیر اوخ کمانه اصغرین دوتدی حلقین نشانه

تشنـه قربانیمـه دگجین اوخ قنداقـی دوشلوگی باتدی قانه

گوئیــا هئچ یارالی دگـولدی گل کیمی باخدی پیکانه گولدی

گئت ربابه‌دئه باشون ساق اولسون وئردیگون غنچه بیر دسته گولدی

اصغریمه او پیکان چوخ ایدی پهلوانی ییخان بیر اوخ ایدی

آرزیمین گوللری اولدی پـرپر گوئیا اصغریم هئچ یوخویدی

تیتـره‌دی اوخ دگنــده ایاقـی تیتـره‌دیم منـده اصغر سیاقی

بوسه آلدیم بوغازیندن افسوس بوسه سیز قالدی سولمیش دوداقی

اوخشیور گوزلریم ابره اوغلوم التمـاس ایلورم صبره اوغلوم

چوخ چتیندی آتا اؤز بالاسین اؤز الیلـن قویـا قبـره اوغلوم

قارداشیم اولمه سیدی گلردی اود دوتان قلبیمه سـو سپردی

من قویاندا سنی قبره اوغلوم قبروین اوسته توپراق تؤکردی

یات دئدی ای گـل پرپر اوغلوم گئت سنی فاطمـه گوزلر اوغلوم

سولماقین غنچه وقتینده والله قارداشیم محسنه بنزر اوغلوم

خیمه‌ده سوسن و یاسیم آغلار گوزلریم مثل احساسیم آغلار

بولسـه میـداندا آواره‌یم من حالیمه قولسـوز عباسیم آغلار



:: موضوعات مرتبط: , , ,
:: برچسب‌ها: غفاری , شعر , شعر عاشورایی , شعر ترکی , شعر ترکی عاشورایی ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : شنبه 10 آبان 1393
زبان حال امام(ع)، سینه‌زنی

یخلوب عباسیم نهر فرات اوسته

بلیم سیندی زینب علمدار ئولدی

بویانوبدور قانه وفالی سرداریم

لوای قرآنه وفادار ئولدی

ئوزون آگه‌ایله حیالی قیزلاری

دینن دگدی پیکان سو مشگین دلدی

سیزه خاطر گچدی ایکی قول بیر گوزدن

منی قویدی یالقوز فلک دینجلدی

عَلَمین آغوشه آلوب گوردوم آغلور

ئوپور الله و اکبرین نقشیندن

دوداقیندان ئوپدوم دوداقینون عطری

بهشتین عطریلن برابر گلدی

دیدوم آیا قارداش گیدورسن اخیامه

دیدی سن گیت قارداش رقیون آغلار

دیدیم اوندا گیتسم سنی تنها قویسام

چیخاندا جان لبدن گوزدن کیم باغلار

باشیم اوستن بیر سس دیدی سن گیت اوغلوم

گوزین زهرا باغلار عزاسین ساخلار

یری وار بو غمدن سودان چیخسا ناله

کول اولسا پروانه سو اولسا داغلار

دیون اصغر یاتسون یاتوب پرچم‌داریم

یارالی اعضاسی قالوب صحراده

عطشیندن یانسا دوداقلارین اَمسین

دیوللر دشمن‌لر سو یوخ دریاده

سوسوز ئولسه اوغلوم اگرچه نیسگیلدی

منه باش اگمکدن ولی آساندی

سویا خاطر هرگز علینون اولادی

ویر جان یالوارماز دنی صیاده

سینه سی اوستونده نیستان وار گویا

یارالی اعضاسی تماماً اوخدی

ولی اوخلاردان چوخ کنارینده زینب

ندور علت بیلمم آغیر داش چوخدی

توخانوبدور داشلار سینوبدی آئینم

یانور غمدن سینم آخور گوز یاشیم

اوجا بوی قارداشیم ئولوبدی اللرده

یاتوبدی چوللرده قراریم یوخدی

کسولوبدور چاره‌م ئولوبدی قارداشیم

کمکسیز بیر شاهیم امیدیم ای وای

یاخامی اللرده قویان عباسیم وای

شرفلی سردار رشیدیم ای وای

توخانوب بیر پیکان هوروبدی گوز یاشین

گلن گورمور کیمدی قالوب آواره

دیزیم اوسته باشین آلوب توکدوم گوز یاش

دیم لای لای قارداش شهیدیم ای وای

شاعر: استاد غفاری اردبیلی



:: موضوعات مرتبط: , ,
:: برچسب‌ها: گوناگون , گوناگون20 , شعر ترکی , اشعار استاد غفاری ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : یک شنبه 26 آبان 1392
قبر پاکین یاحسین مدّتدی کی ایسته‌ر کونول

قبر پاکین یاحسین مدّتدی کی ایسته‌ر کونول

زاره گلمیش بیر مقام آه و زار ایسته‌ر کونول



معصیت کــارم منـه تـوفیقیـن هــر گـه یـار اولور

نقطه‌ی مجرم گئده‌ر، دل محرم اسرار اولور

قبر اکبر عاشئق منصوره پای دار اولور

پایدار اولماقلیقا بیر پای دار ایسته‌ر کونول



کنج غمده بیر نفر یوخ منله هم آواز اولا

آز قالیبدیر مرغ روحیم جیسمده‌ن پرواز اولا

ایسته بو جانیم سر کویینده پای‌انداز اولا

دوت الیمده‌ن غم گونونده غمگسار ایسته‌ر کونول


هر طرف اسکندر دل آب حئیوان آختاریر

ظلمت غمده گذیر، لعل بدخشان آختاریر

جان وئره‌ن عاشق همیشه کوی جانان آختاریر

جان نثار ائتمه‌ک‌لیگه بیر جان نثار ایسته‌ر کونول



ائیله‌ییب شوق وصالین واله و حئیران منی

وادی حئیره‌تده قویما بئیله سرگردان منی

قورخورام سالسین آیاقدان محنت هئجران منی

هجر الینده‌ن جانه گلمیش، وصل یار ایسته‌ر کونول



پرتو نور خیالینله دولوب صحرای دل

گؤزیاشیم تک موجه گلمیش جوش ائده‌ر دریای دل

طور عشقینده مناجات ائتمه‌گه موسای دل

طاقت و تاب آختاریر، صبر و قرار ایسته‌ر کونول



حجله‌گاه قاسیمی هر لحظه کیم یاد ائیله‌ره‌م

نی کیمی گلله‌‌م نوایه، داد و فریاد ائیله‌ره‌م

عیش و عشره‌ت مُلکینی، آهیله بر باد ائیله‌ره‌م

چون تن تب‌دار، چشم اشکبار ایسته‌ر کونول



خاطریم اولموش پریشان سُنبل و سوسن کیمی

خلقیده‌ن کسمیش علایق رشته‌سین سوزن کیمی

چوخ سئوه‌ر قبرین چکه، آغوشه پیراهن کیمی

جان وئریب وصله یئته پروانه وار ایسته‌ر کونول



تُند باد هئجریله سولموش گولوستانیم منیم

غصصه‌ده‌ن اولموش خزان گلبرگ خندانیم منیم

نطق یوخ دیلده‌ن دوشوب مرغ خوش‌الحانیم منیم

بلبل شوریده‌تک فصل بهار ایسته‌ر کونول



سیل غمده‌ن آز قالیر بُنیاد جان اولسون خراب

زورق جسمیم او سیل‌ایچره قالیب مثل حُباب

محفل وصلین خیالیله اولوب باغریم کباب

اختیاریم یوخ نئدیم، بی‌اختیار ایسته‌ر کونول



شور عشقین شُهرتی از بس کی عالم‌گیر اولوب

بینوا(صرّاف) اودور مجنون کیمی ‌زنجیر اولوب

آب و خاک غمله گویا طینَتیم تخمیر اولوب

محنت و درد و مصیبت هر نه وار ایسته‌ر کونول

شعار : تبریزلی صراف



:: موضوعات مرتبط: , ,
:: برچسب‌ها: گوناگون , گوناگون20 , اردبیل , معرفی اردبیل , شعر ترکی , شعر عاشورایی , شعر صراف , صراف تبریزی ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : جمعه 17 آبان 1392
جمالیندیر نگاریستان

منیم ای نازلی دلداریم، منیم ای دردیمه درمان

منیم ای دولتیم، واریم، باغیشلا، گئچ گناهیمدان

سالاندا سن منی بنده، یاخینلیق اولماسا سنده

اگر قانیمی توکسنده، یولومدان دونمرم بیر آن

شیریندیر لبلرین دلبر، او گول رخسارینی گوستر

یازیق کونلوم سنی ایستر، منی الدن سالیر هجران

جمالین پرده یه سالما، بو عاشیقدن اوزاق قالم

اگوزومدن انتقام آلما، منی قویما بئله حیران

بدخشان لعلی سنسن یار، اوزون یاقوت کیمی پارلار

سنون حسنونده دیر گلزار، جمالیندیر نگارستان

منیم چین لیلی، عمر انسان، و یا بلقیس و صنعانسان

یادا بیر ماه کنعانسان، سنه اولسون جانیم قوربان

منی سن مجنون ائتمیش سن، حیاتدا محزون ائتمیش سن

اوزونه مفتون ائتمیش سن، ائدیبسن قلبیمی بریان

دئییردیم من سنین یارین؟ کی اولدوم ایندی بیمارین

سنین نورانی رخسارین، منی یاندیردی، ای جانان

نظامی اولدو بیچاره، ائدیب هجرانین آواره

تاپیلمیر دردینه چاره، اولوب جاری گوزوندن قان



:: موضوعات مرتبط: , ,
:: برچسب‌ها: گوناگون , گوناگون20 , اردبیل , معرفی اردبیل , شعر ترکی , شعر ترکی گنجوی , شعر ترکی نظامی گنجوی , حکیم نظامی گنجوی ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : چهار شنبه 15 آبان 1392
اوغرو گلیب(شعر ترکی)

بیر اوغرو گلیب هر نه دئسن وار اونا قابی

حیرت‌ده قویوب هم منی هم شیخ ایله شابی

بال گورسه دویونجاق اونو بارماقلایاجاق‌دیر

بارداقه توکوب ایچمه‌لی‌دیر گورسه دوشابی

چوخ‌دان چوخا آزدان آزا قانع‌دی ایشینده

مشکل وئره الده‌ن بئله بیر کار ثوابی

انصاف‌لی دی خوف و خطری هاممیا بیر دیر

بیر نمره آلار مدرسه‌ده مهر و عتابی

بو اوغرو نه تاجردی نه قاضی نه وزیر دیر

آج قالماقین اوستن‌دی ایاب ایله ذهابی

ایش‌سیزدی ولی اهل و عیالین دیشی واردی

دیش‌لیک دیله‌یه‌ن اولادینا یوخدو جوابی

بو اوغرو اوزونده‌ن آجا حاشا تله قورسون

توخ اوغرویا همیانی‌ده وار بند و طنابی

بیر اوغرودا وار ظاهری خوش رتبه‌سی والا

دنیا منیم اولسون‌دی اونون جمله عذابی

چیرکین لیگی‌نین اورتوب اوزون جامه‌ی الوان

بیر قورخولو موجود ایدی رد اولسا نقابی

یای گلسه گوزه‌ل یایلاقی ساحل قیراغین‌دا

قیش اولسا بوران اینجیده بیلمز او جنابی

گوندوز نازینا مشتری‌دی میز ریاست

سون‌سوز گئجه‌لرده پر قو اوسته‌دی خوابی

قوللوق‌چو سونون دائم ایپک دستمال الینده

ماستون‌چو سونون شیش ده مهیادی کبابی

نیسگیل کوکونو قازمادا مانقال ماشا حاضر

گر نشئه‌نی تخت ائیله‌مه‌سه باده‌ی نابی

دولت حقوقون دا او داوام یوخ اوده بیلسین

بئش گون بو گئنیش لیک‌ده حساب ایله کتابی

ناچار سالیب دیر اله بیر حکم بو اوغرو

قادر دی اگر بیر گئجه‌ده چاپسا سرابی

چون قافیه حکم ایله سراب‌دان آد آپاردیم

حتماً قلمین شاکی‌یه کافی‌دی جوابی

مین‌سه دالووا بیزله‌یه‌جک مقصده چاتسین

مین‌سون دالینا چاپمالی‌دی خوش‌دو رکابی

مسجدده تمرد ائله‌مز اهل نمازه

میخانه‌ده ضایع ائله‌مز دور شرابی

هر کس دئیه بیلمز قاشون اوستون‌ده گوزون وار

الا او کی اوندان قازانیب رنگ و لعابی

بو اوغرویا کیم اوغرو دئسه باشی خطرده

او اوغرو همان اوغرو فلانی‌دی شهرده

بیر شهرده کی اوغروسونون یوخدو چیخاری

اول شهرده اولدوز سایاراق گوزله‌مه یاری

گئج گلمه سینه اینجیمه تئز گلسه یقین بیل

ائل‌لر آرا حیثیت‌ووی قونشون آپاری

باخ اوغرویا عبرت ائله؛ خالقین شهرین‌ده

اوچ مین دونه میلیارد تومن چکدی یوخاری

نه دوشدو خاما بئل بوخونو قددی بوکولدو

نه ذره‌جه ائل‌لر آرا اسکیل‌دی وقاری

یخچالی قویوب چیگن‌اینه امما بیزیم اوغرو

هم دورگونو یئل‌لندی همی قیردی داماری

اونلار بئجره‌ن اوغرو تورونتوی‌دا توی ائتدی

بیزلر بئجره‌ن اوغرو گئدیب گزدی نیاری

دریا پولا یئر وئردی او اوغرو بالا کیف‌ده

امما بونون اون مین تومن این دوتمادی گاری

او کندی چاپان چاغ‌دا گئدیب کاتدانی گوردو

بو بیر کئچی کتده‌ن گوتوروب اولدو فراری

او ال‌ده چراغ ایسته دیگین سئچدی آپاردی

بو بیر دریز اوتدان اوتوری یاخدی فناری

او خلقی سویوب بای بای ایلان چیخدی وطن‌ده‌ن

بو قارنی‌نین اوستونده گئدیر دوستاغا ساری

اوخشاتدی اونون قیش گئجه‌سین یازه اوغورلوق

بو اوغرویا بیر آن دا خزان ائتدی بهاری

گئت اوغرودا اولسون ائله‌بیر اوغرو اول ائل‌لر

قربان ائده‌لر هیکل اینه دار و نداری

بیر اوغرونو مامورایله گوردوم کوچه میزده

قولباق بیر الینده او بیری ال‌ده بخاری

زاغ زاغ بدنی تیتره‌مه‌ده شاخدا اونون‌ده

آرنین‌دا خجالت تری اوزده‌ن یئره جاری

سوردوم نه خطا چرتیب الینده‌ن بو اسیرین

آیدین منه ذکر ائیله سنی حضرت باری

تیکدی ائله گوز هیکلیمه باش‌دان ایاقه

بیر اووچو دو ات داش ائله‌یر سان کی شکاری

چیمخیردی تبخترله منه: کور کی دگیل سن!

آیا بو بخاری‌ده‌ن آغیر مدرک کاری

گوردوم نه بخاری کی تداعی ائدیر آنجاق

تهران‌دا قجر عصری نی مسکوودا تزاری

گوزلرده‌ن ایراق چون کی چیخیب آشغال ایچین‌ده‌ن

پارتداق پامادورلان بزه‌نیب جسم نزاری

ماموره دئدیم کور دگیل‌ام وئرسن اجازه

ثابت ائده بیل له‌م کی اوتوزدون بو قماری

گر اوغرو دوتورسان بو یازیق دوغرو دی سن‌ده‌ن

اینجیتمه داریخدیرما بو زاری سنی تاری

گر حکم وارون آج دوتاسان وقتی یوباتما

دوستاق‌دا آپار میل ائله‌یه بلکه ناهاری

احسن بئله ماموره کی بوشان‌لی شهرده

هوش باشدا جیمیز بانددان آرتیق‌دی عیاری

بیرده یئری اولسا او عزیز قاضی‌یه عرض ائت

دورونده کی توخ اوغرولارین یوخدو شماری

مال میدانی‌نین اوغروسونا بیر کئچی بسدیر

لعنت لیگ ائده حشره کیمین ایل و تباری

گئت قصرلرین ایچره گزیش اوغرونو بلکه

منصور کیمین شوط ائده‌سن چوبه‌ی داری

یوخ سهو ائله‌دیم حقی اونود «عاصمه» باخما

بیر عومردی چیگن‌اینده گزیر سنگ مزاری

قوی عومرو ووروبدور باشا بئش گون‌ده دئینسه

تا گلسه اجل جامی اونون جانینه ساری

شاعر: پرویز عاصم اردبیلی



:: موضوعات مرتبط: , ,
:: برچسب‌ها: گوناگون , گوناگون20 , اردبیل , معرفی اردبیل , شعر , شعر ترکی , پرویز عاصم اردبیلی ,
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
نویسنده : پایبند
تاریخ : سه شنبه 14 آبان 1392

صفحه قبل 1 2 3 4 5 ... 82 صفحه بعد